Bakurê Kurdistanî binê zulum, bêedaletî û tehlukeyê ziwayî û pandemî de yo. Bênê ma vera nê xetereyan helwêstêka pîya bigîre!
Emser Bakurê Kurdistanî de, zimistan û wisar vewre kêm bî û gorê serra 2020î serra 2021 de varan %40 kêm varayo.
Gorê malumatanê ke citkar û Rayberê Ode û Dezgeyê Citkarî danê, bi taybetî Mêrdîn, Riha û Amed de, rîyê kêmvarayîşê varanî, rîyê ziwayî ra %80ê erdê ramitişî vêşayo û pûç bîyo.
Heto bîn ra rîyê ziwayî ra û rîyê kêmbîyayîşê projeya awdayîşê hêgayan, citkarî mecbûr
mendê ke zêde ra bîranê awe ronê û bi awa bîran erd û hêgayanê xo awadayîş bikê. Coka çend serrî verê cû bîrê 60-80 metreyî ra awe vejyêne; la nika encax bîrê 600-800 metreyînan ra awe vejîyena. No zî beno sebebê çînebîyayîşê tebîetê Kurdistanî.
Her çiqas no afet esto zî, gorê bajaranê sey Konya, Edirne, Îzmîrê, Şîrketê Elektrîkî TEDAŞ bi vayîya 4 qat zêde fatûraya elektrîkî citkaranê Mêrdînî, Riha û Amedî rê birneno; no zî beno sebeb ke citkarî nêeşkenê pereyanê ê fatûrayan bidê û îflas bikê.
Bakurê Kurdistanî de nê afetê îklîmî, eslê xo de afetê ekonomî, komelkî, koçberî û bedilyayîşê demograf xo reyde ano.
Dewlete bi hişeko kolonyalist, semedê koçberkerdişê kurdistanîyan bi xirabekerdişê seyan dewan, Kurdistan de pê viraştişê bendawan û dest naya awa Kurdistanî ser.
Dewleta Tirkîya elektirîko ke bendwan ra vejena, zafê ci erşawena şaristananê Tirkiya. La bi hawayekî bêedalatî û bi vayîya fahîş ê elektrîkî roşena citkaranê Kurdistanî rê. Ê bendawê ke semedê awdayîşê eraziyan viraştbî zî nêerzena falîteyet ke wa kurdistanijî tira îstifade bikê û mecbûr bimanê ke Kurdistanî ra koç bikê.
Tirkîya awanbîyayîşê xo ra hetanî ewro, 98 serrîyo ke, bi sîstemêko kov û îşxalî, bi proje, bername û kerdênanê stratejîkî yê zaf hetî; eskerî, îktîsadî, sîyasî, komelî nê jenosîdêko neteweyî kurdan ser o ramnena.
Nê demê Pandemîya Covid-19î de ke dinya de semedê heme merdimayî bîya tehlûke û Trajedîyêka pîle, la Kurdistan de, semedê siyasetê kolonyalî, şarê ma hîna zêde binê barê nê tehlûkeyî de pelixîyeno, perîşan û mexdûr beno.
Çi heyf ke mîyanê nê telûkeyê Covid-19 de zî, ziwayî, erdlerz û afetê bînî yê îklîmî, vayîya girane ya elektrikî, vêrgiyê zêde û bêhûqûqî, neqîyayîşê projeyê awdayîşê hêgayan, mexdûrîyetê şarê ma Bakurê Kurdistanî de zêde keno û na zî bena sebebê feqîrî û koçkerdişî û nifûsê Bakurê Kurdistanî kêmî beno.
Bi se hezaran Kurdistanî rîyê sebebanê ekonomî, mecbûr mendê ke ca û wareyanê xo caverdê û şêrê Tirkîya.
Na rastî hem bena sebebê bedilyayîşê demografîya Kurdistanî, hem zî asîmîlasyonî asanêr kena û xeterîya serê kulturî, ziwanî û tehlûkeyê neteweyî yê milletê Kurdî xurtêr kena.
Dewleta Tirkîya, her çî ra ver, heta bi têkoşînê kurd û kurdistanîyan mecbûr nêmano, fek nê siyasetê xo yê îşxalkerî, jenosîdal û asîmîlekerî ra veranêdana.
Semedê na rastîye zî, ganî partî, rêxistin û saziyê kurd û kurdistanî cade semedê çareserkerdişê meseleyanê miletê xo bi zanayî, bi rêxistinî û bi aktif têbigêrê.
Ma venga şarê xo û heme partîyanê sîyasî, dezgehanê sivîl, şexsîyet û rîsipîyanê komela xodanê, semedo ke birê ma xorîn nêbê û semedo ke zerarê şarê matelafî bibo, bi hîstyarîyêka neteweyî, însanî ma bi helwêstêka pîya têbigêre, hetkarî bide şarê xo yo mexdûr.
09.05.2021
PDK-BAKUR, PÊLKURD, PSK, TEVGER, PAK